Azərbaycanın hüquq-mühafizə orqanları tərəfindən həbs edilən qondarma rejimin “dövlət naziri” Ruben Vardanyan Sankt-Peterburqda qeydiyyatdan keçmiş “Atlanta Investments” şirkətindəki payını Ermənistan vətəndaşı Artur Əmirxanyana təhvil verib.
Bizim.Media “octagon.media” nəşrinə istinadən xəbər verir ki, bu barədə məlumat Rusiyanın hüquqi şəxslərin dövlət reyestrində qeyd olunub.
Məlumata əsasən, sövdələşmə sentyabrın 26-da qeydə alınıb və görünür, həmin vaxt Vardanyan özü Xankəndidə olduğundan etibarnamə ilə həyata keçirilib.
Xatırladaq ki, əvvəllər o, Rusiyadakı aktivlərinin bir hissəsini həyat yoldaşı Veronika Zonabend və onun qohumunın adına keçirib. Rusiyada Vardanyanın hələ də “Kamaz” zavodunda payı var (“Avtoinvest” MMC, “Vosxod” MMC vasitəsilə, təxminən 5%).
Qeyd edək ki, Vardanyan 2022-ci ilin dekabrında Rusiya vətəndaşlığından imtina edib. O, sentyabrın 27-də “Laçın” dövlət sərhəd buraxılış məntəqəsində Dövlət Sərhəd Xidmətinin hərbi qulluqçularının sayıqlığı nəticəsində saxlanılıb.
Bizim.Media
- A-
- A
- A+
Region
19:14 / 28.09.2023
Vardanyan Rusiya şirkətindəki payından imtina edib - Həbsdən bir gün öncə
Hazırda oxunan: Vardanyan Rusiya şirkətindəki payından imtina edib - Həbsdən bir gün öncə
Hazırda oxunan: Vardanyan Rusiya şirkətindəki payından imtina edib - Həbsdən bir gün öncə
157433
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
