“Yeniyetmə Paşinyanın tərbiyəsi ilə məşğul olacam” – Həbsdən çıxan məmur

Ermənistanda dünən həbsxanadan çıxan Ara Saqatelyan mətbuata açıqlamasında bu gündən etibarən müəllimliyini dayandıracağını söyləyib.

Bizim.Media xəbər verir ki, bu haqda məlumatı erməni mediası yayıb.

Mənbə yazır ki, parlament aparatının keçmiş rəhbəri İrəvan Dövlət Universitetində pedaqogikadan dərs verib. Ancaq insidentdən sonra artıq bu sahədə çalışmağı uyğun görmür.

"Tək bir yeniyetmənin - Nikol Paşinyanın tərbiyəsi üzərində işləyəcəyəm və tək bir saxta xəbər olan Nikolla mübarizə aparacağam". Saqatelyan belə deyib. O, cinayət işini "çox səliqəsiz tikilmiş” paltar adlandırıb.

Onun sözlərinə görə, cinayət işi müəlliflərinin peşəkarlığının aşağı olduğu budur ki, axtarış orderində o, "Armenpress" xəbər agentliyinin direktoru” kimi yazılıb.

Xatırladaq ki, Saqatelyan fevralın 19-da qalmaqallı "saxta Qagik Soqomonyan işi”  çərçivəsində nəzarətə alınıb və 21 fevralda həbs olunub.

Bizim.Media