Beynəlxalq Qızıl Xaç Komitəsinin (BQXK) əməkdaşları Azərbaycan Ordusunun Ermənistanda saxlanılan iki hərbçisinə hələ də baş çəkməyib.
Bizim.Media xəbər verir ki, bu barədə BQXK-nın Ermənistandakı nümayəndə heyətinin kommunikasiya proqramlarının rəhbəri Zara Amatuni “Sputnik-Ermənistana” bildirib.
MÖVZU İLƏ BAĞLI:
Əsgərlərin azad olunmaları ilə bağlı beynəlxalq təşkilatlara MÜRACİƏT OLUNDU
O bildirib ki, saxlanılan hərbçilərə baş çəkmək məsələsi ilə bağlı dialoq aparılır.
“BQXK vəziyyətlə bağlı məlumatlıdır və Azərbaycan əsgərlərinin ailələri və müvafiq şəxslərlə əlaqə saxlayır” – deyə Amatuni bildirib.
Qeyd edək ki, bir neçə gün əvvəl Naxçıvan Muxtar Respublikasının Şahbuz rayonunun Ermənistanla sərhədboyu ərazisində əlverişsiz hava şəraitində məhdud görmə səbəbindən Azərbaycan ordusunun itkin düşmüş əsgərləri - 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlu Ermənistan tərəfindən əsir götürülüb. Sosial şəbəkələrdə yayılmış videogörüntülərin birində əsir götürülmüş Axundov Hüseyn Əhliman oğluna qarşı fiziki işgəncə və qeyri-insani rəftar halları əks olunub.
Bizim.Media
