Xəbər verdiyimiz kimi, “Bizim Media” portalının 2 yaşı tamam olub.
Bizim.Media xəbər verir ki, “ATV” kanalında yayımlanan “ATV Səhər” verilişində həmkarlarımız tərəfindən portalımızın ünvanına təbrik səsləndirilib.
Portalımızın klassik jurnalistika ilə yanaşı, yeni trendlərə də geniş yer verdiyinin qeyd olunduğu təbrikdə bildirilib ki, Bizim.Media-da araşdırma yazılar, ciddi analizlər, maraqlı reportajlar, bir çox sahələrə aid məlumatlar tapmaq mümkündür:
“Dünyanın dörd bir yanından xəbərləri, siyasi hadisələri, mədəniyyət aləmindəki yenilikləri oxucuya operativ və qərəzsiz daşıyan multimedia siyasətçilərin, analitiklərin platformasına çevrilib. Qurumda gənc mütəxəssislərin yetişdirilməsi üçün xüsusi laboratoriya da yaradılıb.
Biz də “ATV Səhər” kollektivi adından həmkarlarımızı ürəkdən təbrik edir, onlara gələcəkdə uğurlar arzulayırıq”.
Biz də öz növbəmizdə Bizim.Media olaraq, ATV kanalının rəhbərliyinə, qurumda çalışan həmkarlarımıza diqqətə, təbrikə və ünvanımıza səsləndirilən xoş sözlərə görə təşəkkürümüzü bildiririk.
Bizim.Media
