Zəngilanın azadlığı uğrunda şəhid olan Elşən Musayevin övladları 20 yanvar şəhidlərini ziyarət ediblər.
Onlar 44 günlük Vətən müharibəsində canlarından keçən bütün şəhidlərlə yanaşı, Azərbaycan müstəqilliyi uğrunda 31 il əvvəl qanları ilə tarix yazan 20 yanvar şəhidlərinin əziz xatirələrini yad ediblər.
MÖVZU İLƏ BAĞLI:
Şəhid olmamışdan beş dəqiqə əvvəl evinə zəng etdi - VİDEO
Şəhid övladları Ayşən və Hüseyn 20 Yanvar şəhidlərinin və ataları Elşən Musayevin əziz xatirəsi üçün şeir söyləyiblər. Hüseyn atasının Zəngilan uğrunda şəhid olduğunu, onun üçün çox darıxdığını söyləyib.
Xatırladaq ki, oktyabrın 7-si Elşən Musayev 40 nəfərdən ibarət dəstəsi ilə Füzulinin Qorqan ərazisində mühasirəyə düşüb. Bir - neçə gün mühasirədə qalan Elşən Musayev Zəngilanın azadlığı uğrunda şəhid olub. 23 gün meyiti neytral ərazidə qaldıqdan sonra, ailəsinə təhvil verilib.
Şəhid övladlarını videosunu təqdim edirik:
Vüsalə Balayeva, Bizim.Media
