“Ermənistanın qonşulara heç bir ərazi iddiası yoxdur” – Erməni spiker

“Ermənistan Respublikasının qonşularına heç bir ərazi iddiası yoxdur”.

Bizim.Media erməni mətbuatına istinadən xəbər verir ki, bu fikri çərşənbə günü Ermənistan parlamentinin sədri Alen Simonyan Almaniya Bundestaqının vitse-spikeri Ketrin Görinq-Ekkardtın başçılıq etdiyi nümayəndə heyətini qəbul edərkən səsləndirib.

Görüş zamanı “müharibədən sonrakı vəziyyət, regionda uzunmüddətli sülhün bərqərar olunması məsələləri” müzakirə olunub.

Spiker qeyd edib ki, Ermənistan regionda sülh dövrünün açılması gündəmini irəli sürür, regional infrastrukturların və nəqliyyat kommunikasiyalarının qarşısının alınması, habelə sərhədlərin demarkasiyası və təhlükəsizliyinin təmin edilməsi üçün səylər göstərir. O vurğulayıb ki, Ermənistanın qonşularına heç bir ərazi iddiası yoxdur.

Alman həmkarı qeyd edib ki, o, regionda baş verən hadisələri diqqətlə izləyir:

“Sülh danışıqları münaqişələrin həlli üçün effektiv yoldur”.

Bizim.Media