“Kino ittifaqların ləğvi ilə bağlı heç nə deməmişəm”
Bu sözləri Bizim.Media-ya açıqlamasında Rejissorlar Gildiyasının sədri, rejissor Hüseyn Mehdiyev söyləyib
Rejissorun sözlərinə görə kino ittifaqların bağlanılması ilə bağlı heç nə deməyib və bu barədə ona yönələn ittihamlar əsassızdır:
MÖVZU İLƏ BAĞLI:
Hüseyn Mehdiyev kino çəkməkdən niyə imtina edib? – Özündən AÇIQLAMA
“İTV-nin “Sabaha Saxlamayaq” verilişindəki çıxışım zamanı kino ittifaqları haqqında danışmışam. Dünyada gedən müasir proseslər fonunda onlar haqqında da, fikirlərimi bildirmişəm. Azərbaycandakı kino ittifaqlarının ləğvi ilə bağlı heç nə deməmişəm. Verilişdəki çıxışım göz qabağındadır. İttifaqlarla bağlı dediklərim kimlər üçün maraqlıdırsa, buyurub verilişə yenidən baxa bilər”.
Qeyd edək ki, rejissor Hüseyn Mehdiyevin İTV-nin “Sabaha Saxlamayaq” verilişində kino ittifaqlarla bağlı çıxışından sonra bəzi sənət adamları tərəfindən tənqidlərə tuş gəlib.
Leyla Şah, Bizim.Media
