Prezidentin xüsusi nümayəndəsi: “Şuşada beşulduzlu otel tikilir” - FOTO

"Şuşanın bərpası işləri il yarımdan çoxdur, davam edir. Tarixi obyekt kimi bərpa olunur, yeni infrastruktur qurulur".

Bizim.Media xəbər verir ki, bunu Polşanın Katovitse şəhərində jurnalistlərə açıqlamasında Azərbaycan Prezidentinin Şuşa üzrə xüsusi nümayəndəsi Aydın Kərimov deyib.

“Üç məsciddə və bir sıra digər tarixi yerlərdə işlər davam etdirilir. Şuşada həmçinin ilk yaşayış kompleksinin tikintisinə də başlanılıb.

Yaxın gələcəkdə şəhərin infrastrukturunun inkişafı üçün daha bir neçə yeni layihə həyata keçiriləcək, bunlar elektrik təchizatının yaxşılaşdırılması, su təchizatı və kanalizasiya şəbəkələrinin yaradılmasıdır. Onların layihələndirilməsi tamamlanma mərhələsindədir və yaxın vaxtlarda bu istiqamətdə işlərə başlanılacaq”. Report.az onun dediklərindən sitat gətirib.

O, Şuşada beşulduzlu otelin tikintisinin sürətlə davam etdiyini, yeni otellərin də tikiləcəyini vurğulayıb.

Bizim.Media