Bu rayonlarda elektrik şəbəkəsinə dəyən zərər aradan qaldırılır - FOTO

Hazırda oxunan: Bu rayonlarda elektrik şəbəkəsinə dəyən zərər aradan qaldırılır - FOTO

78895

İyunun 10-nu gecə saatlarında Daşkəsən rayonu ərazisində başlayan güclü leysan nəticəsində rayonun elektrik şəbəkəsinə cidd ziyan dəyib. Daşkəsənin Çanaqçı, Zivlən, Alaxançallı və Şəkərəm kəndlərinin elektrik enerjisi təchizatında fasilələr yaranıb.

"Azərişıq" ASC-dən Bizim.Media-ya verilən məlumata görə, ASC-nin ərazi üzrə Qəza xidməti tərəfindən aparılan işlərdən sonra elə həmin gün Çanaqçı və Şəkərəm kəndlərində elektrik enerjisinin verilişi bərpa edilib.

MÖVZU İLƏ BAĞLI:

Daşkəsəndə güclü leysan - Körpülər dağıldı, avtomobillər çaya düşdü - VİDEO

Digər iki kənddə - Alaxançallı və Zivlən kəndlərində sel suları kənd yollarını tam yararsız vəziyyətə saldığından bərpa işlərinin görülməsinə ciddi maneə yaransa da, lakin elektrik enerjisinin bərpası işi yekunlaşmaq üzrədir.

Ağstafa rayonu ərazisində də təbii fəlakət rayonun elektrik şəbəkəsinə ciddi ziyan vurub.

Bizim.Media