Bakıda ötən gündən etibarən əsən güclü külək yenicə təmirdən çıxan xəstəxananın damını uçurub.
Söhbət Yasamal rayonu, Tağı Şahbazı küçəsi 95 ünvanında yerləşən Uşaq Nevroloji Xəstəxanasından gedir.
Bu barədə Bizim.Media-ya sözügedən ünvanda yaşayan sakinlər məlumat verib. Dediklərinə görə yerindən qopan dam örtüyünün qalıqları yaxınlıqda park edilən avtomobillərin üzərinə düşüb. Nəticədə həm bir neçə avtomobilə, həm də ərazidəki ağaclara ciddi ziyan dəyib.
Qeyd edək ki, Uşaq Nevroloji Xəstəxanası yenicə təmirdən çıxıb.
Alçina Amilqızı, Bizim.Media
