“Hazırda rusların nəzarətində olduğu deyilən Ukraynanın Mariupol şəhərində 4 azərbaycanlı həlak olub. Bir nəfər isə itkin düşüb”.
Bu barədə Bizim.Media-ya açıqlaması zamanı Birləşmiş Ukrayna Azərbaycanlılar Konqresinin Mariupol üzrə sədri Afaq Həmidova məlumat verib.
MÖVZU İLƏ BAĞLI:
Ukraynada 15 gündür yoxa çıxan azərbaycanlı qadından XƏBƏR VAR - ÖZƏL+FOTO
O bildirib ki, 4 azərbaycanlının cəsədi Azərbaycana göndərilib.
“40-a yaxın azərbaycanlı ailə isə Mariopulu tərk etməyib. Onların təxliyyəsi üçün şərait yaradılsa da geri dönmək istəməyiblər. Bir çox azərbaycanlı ailə isə Kiyevə gedib. Onlar geri dönəcəklərinə ümid edirlər. Mariupolda hazırda qoşunlar yoxdur. Onlar ərazidən çıxıblar”, - deyə A.Həmidova əlavə edib.
Bizim.Media
