Daxili İşlər Nazirliyinin Daxili Qoşunlarının N saylı hərbi hissəsində bir hərbi qulluqçunun digərinə zor tətbiq etməsini əks etdirən videogörüntülərlə bağlı Bakı Hərbi Prokurorluğunda araşdırma aparılır.
Bizim.Media xəbər verir ki, bu haqda informasiyanı Hərbi Prokurorluğun Mətbuat Xidməti yayıb.
Qeyd edilib ki, qanunvericiliyin tələblərinə müvafiq bütün zəruri tədbirlərin görülməsi, o cümlədən fakta hüquqi qiymət verilməsi təmin ediləcək.
Xatırladaq ki, Daxili Qoşunların N saylı hərbi-hissələrindən birində əsgərin döyülməsi ilə bağlı videogörüntülər yayılıb.
Daxili İşlər Nazirliyinin (DİN) Mətbuat Xidmətinin rəisi Ehsan Zahidov ötən gün verdiyi açıqlamada fakt təsdiqini tapdığına görə həmin hərbçinin daxili işlər orqanlarından xidmətdən xaric edildiyini diqqətə çatdırıb.
Bizim.Media
