“10 min azərbaycanlı Dağıstan-Azərbaycan sərhədində qalıb və ölkəyə qayıda bilmir. Bir aya yaxındır bu məsələ qaldırılsa da hələ də öz həllini tapmayıb”.
Bizim.Media xəbər verir ki, bu fikirləri millət vəkili Razi Nurullayev Milli Məclisin bu gün keçirilən plenar iclasında bildirib.
MÖVZU İLƏ BAĞLI:
Milli Məclisin plenar iclası başladı – 17 məsələ müzakirə ediləcək
Deputat Rusiya-Azərbaycan sərhədində qalan vətəndaşlarımızın ölkəmizə qayıtması məsələsinin həllinin vacibliyinə diqqət çəkib:
“Ötən iclasda həmkarım Qüdrət Həsənquliyev də həmin insanların konstitusion hüquqlarının pozulduğunu qeyd etmişdir. Ümidvaram ki, Azərbaycana qayıtmaq istəyən 10 minə yaxın vətəndaşımızın problemi yaxın vaxtda öz həllini tapacaq”.
Murad Əhmədov, Bizim.Media
