"13-cü Azərbaycan-Türkiyə Yüksək Səviyyəli Hərbi Dialoq İclası"nın protokoluna uyğun olaraq Müdafiə Nazirliyinin bir qrup zabit heyəti Türkiyədə səfərdə olub.
Bizim.Media Müdafiə Nazirliyinə istinadən xəbər verir ki, Türkiyə Quru Qoşunları, Hərbi Təyyarəçilik və Hərbi Dəniz Qüvvələri məktəblərini, eləcə də Türkiyə Respublikası Milli Müdafiə Universitetini ziyarət edən nümayəndə heyəti burada təhsil alan azərbaycanlı kursantlarla görüşüb, onların sosial-məişət şəraiti ilə maraqlanıblar.
MÖVZU İLƏ BAĞLI:
Snayperlərin hazırlıq kursundan görüntülər - VİDEO
Səfər çərçivəsində polkovnik Elşad Əbilov və polkovnik-leytenant Tural Manıyev "Xocalı soyqırımı" və "Qarabağ zəfəri" mövzusunda məruzələrlə çıxış ediblər.
Görüşlər zamanı "Azərbaycanın Vətən müharibəsində qazandığı möhtəşəm qələbə, Azərbaycan və Türkiyə xalqlarının tarixi qardaşlığının və əməkdaşlığının bariz nümunəsidir" mövzusunda brifinq təqdim olunub.
Sonda təhsil müəssisələrinin rəhbər heyəti ilə xatirə şəkilləri çəkilib və qarşılıqlı hədiyyələr təqdim olunub.
Bizim.Media
