Roma Papası hamını Ukraynada sülh üçün dua etməyə çağırdı

Ukrayna ətrafında artan gərginlikdən narahat olan Papa Fransisk xristianları bu ölkədə sülh üçün dua etməyə çağırıb. 

Bizim.Media “İnterfaks” agentliyinə istinadən xəbər verir ki, o, bu barədə bazar günü Vatikanda Angelus təbrikinin sonunda bildirib.

Pontifik etiraf edib ki, “Ukraynada dünyaya yeni zərbə vurmaq təhlükəsi yaradan gərginliyin artması”nı izləyir:

“Bu da Avropanın təhlükəsizliyinə təhdid yaradır”.

Bununla bağlı Roma Katolik Kilsəsinin rəhbəri deyib ki,  “Bütün hərəkətlər və siyasi təşəbbüslər tərəflərin şəxsi maraqlarına deyil, insan qardaşlığına xidmət etməlidir”.

Bizim.Media