Mingəçevir şəhərində əsəbiləşən 41 yaşlı kişi sol əl barmaqlarından ən kiçiyini kəsərək atıb.
Bizim.Media-nın yerli bürosu xəbər verir ki, hadisə şəhərin Şəfəq küçəsində yerləşən fərdi təsərrüfatlardan birində baş verib.
Heç bir səbəb olmadan 1981-ci il təvəllüdlü Həsənov Ramil Cümşüd oğlu sol əlindəki çeçələ barmağını bıçaqla kəsərək atıb.
MÖVZU İLƏ BAĞLI:
Mingəçevirdə narkotik istifadə edən stomatoloqlar saxlanıldı - FOTO
Çağırışa gələn həkim briqadası əlində küt alətlə həyətə çıxan kişiyə yaxınlaşmaqdan ehtiyat edərək polisdən yardım istəyib. Yalnız bundan sonra yaralıya ilkin tibbi yardım göstərilərək xəstəxanaya çatdırılıb.
Qeyd edək ki, Ramil Həsənovun 6 aydır psixoloji problemlərdən əziyyət çəkdiyi və müalicə aldığı deyilir.
Özünə xətər yetitdiyi zaman xanımı və övladı yanında olsalar da, ona mane ola bilməyiblər.
Ehtiram Muradov, Bizim.Media
