Dekabrın 10-dan fənn olimpiadalarında iştirak üçün elektron qeydiyyat prosesinə start verilib.
Təhsil Nazirliyindən Bizim.Media-ya verilən məlumata görə, şagirdlər portal.edu.az platforması üzərindən qeydiyyatdan keçərək “Müsabiqə və olimpiadalar” bölməsində müvafiq elektron xidmətdən faydalana bilərlər.
10-20 dekabr tarixlərində qeydiyyat, sorğuların qəbul edilməsi, 25-30 dekabr tarixlərində olimpiadada iştirak edənlərin imtahan mərkəzləri üzrə yerləşdirilməsi, 5-10 yanvar tarixlərində isə buraxılış vərəqələrinin yüklənməsi prosesi həyata keçiriləcək.
MÖVZU İLƏ BAĞLI:
Fənn olimpiadalarının yarımfinal turunun keçiriləcəyi tarix açıqlandı
IX, X və XI sinif şagirdlərinin iştirak etdiyi bu elm yarışında xüsusi istedada malik olan 8-ci sinif şagirdlərinin iştirakına da icazə verilir.
Xüsusi istedada malik olan 8-ci sinif şagirdlərinin qeydiyyatı elektron formada deyil, yerli təhsil idarəetmə orqanlarının Təhsil İnstitutuna müvafiq təqdimatı əsasında həyata keçiriləcək.
Respublika fənn olimpiadalarının rayon (şəhər) mərhələsinin 2022-ci ilin yanvar ayının ikinci yarısında keçirilməsi planlaşdırılıb.
Bizim.Media
