Türkiyədə Fətullah Gülənlə əlaqəli olan 304 hərbçinin həbsi haqqında order çıxarılıb
Bizim.Media “Anadolu” agentliyinə istinadən xəbər verir ki, Türkiyənin İzmir şəhər prokurorluğu Fətullah Gülənlə əlaqədə şübhəli bilinən 304 hərbçi, həmçinin 295 digər şübhəlilərin saxlanılması haqqında qərar qəbul edib.
Türkiyənin 50 əyalətində aparılan əməliyyatlar nəticəsində artıq 198 nəfər saxlanılıb.
Qeyd edək ki, Türkiyədə terrorçu təşkilat adlandırılan Fətullah Gülən tərəfdarları 2016-cı ilin iyulunda dövlət çevrilişinə cəhddə günahlandırılır. Məlumata görə, indiyədək həmin qanunsuzluqlara görə 50 min insan saxlanılıb və 150 min dövlət işçisi vəzifəsindən azad olunub.
Bizim.Media
