Gürcüstanın keçmiş Prezidenti Mixeil Saakaşvili aclıq aksiyasını dayandırıb.
Bizim.Media xəbər verir ki, bu barədə onun vəkili Nika Qvaramiya jurnalistlərə açıqlamasında bildirib.
"Sabiq dövlət başçısı Strasburq məhkəməsinin qərarını nəzərə alıb. Ümid edirik ki, bundan sonra hər şey yaxşı olacaq", deyə vəkil bildirib.
MÖVZU İLƏ BAĞLI:
Saakaşvilinin daha bir videosu yayıldı – “Siz qulsunuz!” - ÖZƏL
Qeyd edək ki, Avropa İnsan Hüquqları Məhkəməsi qəbul etdiyi qərarda M.Saakaşvilini aclıq aksiyasını dayandırmağa çağırıb.
M.Saakaşvili Tbilisidə oktyabrın 1-də saxlanılıb. O, həmin gündən aclıq aksiyası keçirirdi. Siyasətçi noyabrın 8-də Tbilisidəki 18 saylı Qldani cəzaçəkmə müəssisəsinin xəstəxanasına köçürülüb.
Bizim.Media
