Azərbaycan əhalisi yerli kanalları izləmir? - FOTO

“Ölkə əhalisinin televiziya izləyən hissəsinin yarısı (43,38%) yerli kanallara baxmır”.

Bizim.Media xəbər verir ki, bu iddia ilə məşhur telejurnalist Turan İbrahimov çıxış edib.

O, televiziyaların reytinq cədvəlinin siyahısını öz Facebook səhifəsində yayımlayaraq öz fikrini izləyiciləri ilə bölüşüb.

“Aşağıdakı Azərbaycan üzrə televiziya izlənmə statistikasıdır. Yəni, reytinq cədvəlindən açıq-aşkar görsənir ki, ölkə əhalisinin televiziya izləyən hissəsinin yarısı (43,38%) yerli kanallara baxmır. Yerdə qalan hissəsi isə, yerli , yeddi kanal  arasında bölünür(AzTV siyahıda yoxdur, reytinqi ölçülmür)”.

Daha sonra aparıcı qeyd edib ki, hazırda televiziya kanallarının vəziyyəti qənaətbəxş deyil.

“Gördüyünüz mənzərə onu göstərir ki, yerli televiziya kanalların vəziyyəti çox acınacaqlıdır. Hətta onlara qoyulan sərmayəni belə real olaraq doğrultmur. MTRŞ-nın gələcək illərdə tətbiq edəcəyi, yeni texnologiya ilə əldə ediləcək reytinq nəticələri isə, məncə, vəziyyətin daha da pis olduğunu ortaya qoyacaq”.

Bizim.Media