Saakaşvili həbsxanada öldürüləcək? – Tərəfdarları “COVİD-ə yoluxdurulacaq” deyirlər

Gürcüstanda axtarışda olan bu ölkənin eks prezidenti Mixeil Saakaşvili vətəninə qayıtdıqdan sonra həbs olunub.

Bizim.Media xəbər verir ki, hökumət həbsi seçki zamanı ölkədəki mümkün qarışıqlığın qarşısını almaqla əsaslandırıb.

Lakin Gürcüstan cəmiyyətində onun saxlanılması haqqında müxtəlif fikirlər dolaşır. Politoloq Gela Vasadzenin "Facebook" statusuna yazılan rəylərdən birində sual olunub ki, "Mixeilin koronavirusla öldürülməsi və ölkədən qaçması variantları mümkündürmü?"

Politoloq isə cavabında bütün, hətta ağılasığmaz variantların olduğunu yazıb.

Digər sosial şəbəkə fəalları da Mixeilə qarşı sui-qəsdin mümkünlüyünü müzakirə edirlər. Əsas qətl növləri kimi bunlar təqdim olunur:

1. COVİD-ə yoluxdurulub öldürülmə

2. Qidası ilə aram zəhərləmə metodu

3. Həbsxana etirazında polislə toqquşma zamanı həyatını itirmək

Digər ekspertlər isə Saakaşvilinin həbsxanadan çıxacağını və hazırkı seçkilərin qərarını baykot edəcəyini istisna etmirlər ki, onların fikrincə, bu, Gürcüstanda hakimiyyət dəyişikliyi ilə yekunlaşacaq.

Bizim.Media