Altı nəfərin öldüyü Perm Universitetində atışma zamanı Türkmənistanlı bir tələbə 20-dən çox tələbədən ibarət bir qrupun kampusdan tez bir zamanda çıxmasına kömək edib.
Bizim.Media xəbər verir ki, bu haqda informasiyanı “RİA Novosti” agentliyi Universitetin mətbuat xidmətinə istinadən yayıb.
Xatırladaq ki, sentyabrın 20-də səhər Perm Dövlət Milli Araşdırma Universitetində bir tələbə atəş açıb, 6 nəfər ölüb, 36 nəfər yaralanıb.
Şübhəli həbs olunmağa müqavimət göstərib və yaralanıb, sonra xəstəxanaya yerləşdirilib. Hazırda vəziyyəti ağırdır.
MÖVZU İLƏ BAĞLI:
Putin Permli qatili zərərsizləşdirən leytenanta orden verdi - FOTO
Faciə baş verən zaman kimya fakültəsinin 3-cü kurs tələbəsi Ovezberdi Sabirov birinci mərtəbədə olub və üçüncü dərsin başlamasını gözləyib. Birdən silah səslərini eşidib, tələbələr qışqıraraq onun yanından qaçıblar. Gənc oğlan gözətçinin necə yaralandığını görüb.
"Ovezberdi yerində qalmağın son dərəcə təhlükəli olduğunu başa düşüb, təcili bir çıxış axtarmalı olub. Tələbə bütün türkmən və rus dostlarını toplayıb, eyni zamanda yaxınlıqdakı hər kəsi götürüb və onları 7 nömrəli binaya tərəf aparıb.
7 nömrəli binada bir qrup tələbənin evakuasiya olunmasına kömək edib. Beləliklə, Sabirov 20-dən çox adamı küçəyə çıxara bilib.
Universitet əlavə edib ki, Sabirov iki il Türkmənistanda hərbi xidmətdə olduğu üçün belə vəziyyətlərdə düzgün davranmağı bacarıb.
Bizim.Media
