Şair Vaqif Aslanın Şuşa xatirələri haqqında yazdığı şeir toplusu Bişkekdə üç dildə nəşr edilib.
Bu barədə Bizim.Media-ya şair özü məlumat verib.
O, qeyd edib ki, "Şuşadakı duyğular" adlı kitabı Türkdilli dövlətlərin siyasətinə dəstək fondunun sifarişi ilə Azərbaycan, özbək və türk dillərinə tərcümə edilib.
Şeirləri özbək dilinə Gülzira Şaripova, türk dilinə Yusif Aslan tərcümə edib. Kitab, Bişkekdə və İssık Kulda keçiriləcəyi nəzərdə tutulan "İssık Kul - türkün inci dünyası" adlı mahnı festivalında oxuculara təqdim olunacaq.
29-31 avqust tarixlərində "Vaqif poeziya Günləri" çərçivəsində Şuşaya səfər edən şair orada keçirdiyi hisslərini şeirlə ifadə etməyə çalışıb.
Xatırladaq ki, festivalda Leyla xanım Əliyevanın İssık Kula həsr etdiyi şeirin sözlərinə yazılmış mahnı dünyanın ondan çox dilində və tanınmış müğənnilərin ifasında səsləndiriləcək.
Qeyd edək ki, mahnı Qırğızıstan Dövlət Teleradio kompaniyasının qızıl fonduna daxil edilib.
Bizim.Media
