“Rusiya ilə Azərbaycan arasında daimi əlaqə var” - Peskov

Rusiya Prezidentinin mətbuat katibi Dmitri Peskov cümə axşamı bildirib ki, Moskva ilə Bakı arasında Qarabağ nizamlanmasına dair üçtərəfli razılaşmaların həyata keçirilməsi sahəsində daimi iş əlaqələri var. 

Bizim.Media xəbər verir ki, bu haqda məlumatı Rusiya mətbuatı yayıb. 

Onun sözlərinə görə, hər kəs bu razılaşmaların vacibliyi və alternativsizliyi barədə həmfikirdir.

Peskov qeyd edib ki, bu səbəbdən həm Ermənistan, həm də Azərbaycanla təmaslar qurulur: 

“Rusiya prezidenti ilə Ermənistanın baş naziri arasında bir gün əvvəl aparılan danışıqlara gəlincə, bu görüşdə liderlər ikitərəfli münasibətlər barədə ətraflı danışıblar, Dağlıq Qarabağ və ticarətlə bağlı üçtərəfli razılaşmaların həyata keçirilməsinin müxtəlif nüanslarını müzakirə ediblər”. 

Bizim.Media