İsrail hərbçiləri gecə saatlarında Suriyanın cənubunda reyd keçirib.
Bizim.Media xəbər verir ki, bu barədə ordunun mətbuat xidməti məlumat yayıb.
Məlumata görə, reyd rayonun Hader qəsəbəsində keçirilib. Reyddə məqsədin silah qaçaqmalçılığının qarşısının alınması olduğu bildirilib.
Hərbçilər silah alverində iştirakda şübhəli bilinən bir neçə nəfəri dindiriblər.
Əməliyyat zamanı tapılan silahlar müsadirə edilib.
“210-cu diviziyanın qoşunları bölgədə yerləşdirilib və İsrail mülki əhalisini, xüsusən də Holan yüksəkliklərinin sakinlərini qorumaq üçün hər hansı terrorçu ünsürün Suriyada mövqe tutmasının qarşısını almaq üçün fəaliyyətini davam etdirir”, - məlumatda bildirilir.
Bizim.Media
