Tramp: "Çinə Si Cinpinin dəvəti olmadan getmərəm" - FOTO

ABŞ prezidenti Donald Tramp Çin səfəri ilə bağlı yayılan xəbərlərə münasibət bildirib.

Bizim.Media xəbər verir ki, o, özünə məxsus “Truth Social” platformasında bu barədə paylaşım edib.

“Saxta media yazır ki, mən Çin lideri Si Cinpinlə “sammit” axtarıram. Bu, tamamilə yalandır. Mən heç nə axtarmıram! Çinə gedə bilərəm, amma bu, yalnız Si Cinpin tərəfindən göndərilmiş rəsmi dəvət əsasında ola bilər. Belə bir dəvət artıq göndərilib. Əks halda, Çinə getməyə heç bir marağım yoxdur!”.

Bu bəyanatla Tramp Çin lideri ilə görüşə can atdığı barədə mediada yayılan iddiaları təkzib edib və öz təşəbbüsü ilə görüş təşəbbüsündə olmadığını vurğulayıb.

Trampın bu açıqlaması, Çinlə münasibətlərin gələcək istiqaməti və onun seçki strategiyasında Pekinlə münasibətlərin hansı rolu oynayacağı barədə sualları gündəmə gətirib.


Bizim.Media