Binəqədi rayonu, Xocəsən gölünün ətrafına tullantıların atılması ilə bağlı daxil olan şikayət 11 saylı Regional Ekologiya və Təbii Sərvətlər İdarəsinin əməkdaşları tərəfindən araşdırılıb və fakt təsdiqini tapıb.
Bizim.Media xəbər verir ki, bunu oxu.az-a idarənin rəisi Qafar Ağayev bildirib.
O, qeyd edib ki, araşdırma zamanı gölün ətrafına yük avtomobilləri tərəfindən tikinti-söküntü və məişət tullantılarının atıldığı və aidiyyəti qurum tərəfindən müvafiq tədbirlərin görülmədiyi müəyyən edilib.
Bununla bağlı Xocəsən bələdiyyəsinə ərazinin tullantılardan təmizlənməsi üçün "ekoloji tələb" verilib və artıq gölün ətrafının tullantılardan təmizlənməsi işlərinə başlanılıb.
"Eyni zamanda, ərazinin nəzarətdə saxlanılması və gələcəkdə belə hallara yol verilməməsi üçün Binəqədi Rayon İcra Hakimiyyətinə və Binəqədi Rayon Polis İdarəsinə müraciət olunub".
Bizim.Media
