Bu legioner də “Qarabağ”dan AYRILDI

“Qarabağ”ı tərk edən daha bir futbolçunun adına aydınlıq gəlib.

Bizim.Media xəbər verir ki, hücumçu Redon Cica növbəti mövsümdən Azərbaycan çempionunun heyətində yer almayacaq.

Belə ki, ağdamlılar gələn ilin yayına qədər müqaviləsi olan albaniyalı forvardla yollarını ayırıb.

Uzun müddətdir Cicanı sözləşmənin ləğvinə razı salmağa çalışan “Qarabağ” rəhbərliyi nəhayət ki, arzusuna çatıb. Bununla Yassin Benzia, Patrik Andrade və Marko Veşoviçdən sonra “Qarabağ”la vidalaşan 4-cü legioner Cica olub. “Qarabağ” yaxın günlərdə ayrılığı rəsmən açıqlayacaq.

Qeyd edək ki, Redon Cica “Qarabağ”a 2023-cü ilin əvvəlində “Tirana”dan keçib.

Bizim.Media