SENSASİON İDDİA - İrandan Azərbaycana gətirilən qızılgüllərdə qurd var - VİDEO

İrandan Azərbaycana idxal olunan bəzi qızılgül bağlamalarında zərərverici qurdlar aşkarlanıb.

Bununla bağlı Bizim.Media-ya videogörüntülər daxil olub. Qızılgüllərin ləçəklərin arasında gözlə görünəcək qədər ağ xırda qurdların hərəkət etdiyi müşahidə olunub.

Məlumata görə, qızılgül bağlamaları Azərbaycana Astara Gömrük Postundan keçirilib.

Güman olunur ki, qızılgüllər idxaldan əvvəl lazımi qaydada dezinfeksiya edilmədiyi və yaxud uyğun şəraitdə saxlanılmadığı üçün qurd yumurtaları məhv olmayıb. Nəticədə zərərverici qurdlar çoxalıb.

Digər iddialara görə məhsul Astara Gömrük Postundan yoxlanılmadan və rəsmiləşdirilmədən keçirilib.

Məsələ ilə bağlı Dövlət Gömrük Komitəsinə müraciət etdik. Komitədən məsələnin araşdırıldığı bildirilib.

Mövzunu diqqətdə saxlayacağıq.


Şəfiqə Şəfa, Bizim.Media