Son günlər apteklərdə yod məhlulunun tapılmadığı və ya sayının az olduğu iddia olunur. Sosial şəbəkələrdə yayılan məlumata görə apteklərin çoxunda yod məhdud saydadır. Eyni zamanda cəmi bir il əvvəl qiyməti 40 qəpik olan yod bu gün 1 manat 20 qəpiyə satılır.
Bəs yod yenə niyə qəhətə çıxıb?
Mövzu ilə bağlı Bizim.Media-ya açıqlamasında farmakoloq Aydın Əliyev apteklərdə yod çatışmazlığına heç bir əsas olmadığını deyib:
“Yod niyə çatışmasın ki? Ölkəmizdə 100 ildən artıqdır ki, Nefçlada rayonunda zavodumuz var.
1927 – ci ildən orda yod istehsal edən zavod yaranıb. Bu gün də həmin zavod normal məhsul verir”.
Yodun qiymətinin artmasına gəlincə, Aydın Əliyev bu səbəbi əsassız sayıb:
“Yodun bahalaşmasının səbəbi məlum deyil. Tutarlı səbəb yoxdur yəni. Zavod özümüzdə ola-ola niyə qiymət qalxsınaxı? Başa düşürük hər şeyin qiyməti qalxa bilər, ancaq, müəyyət dərəcədə… Daha belə yox”, - deyə ekspert vurğulayıb.
Aygün Hüseyn, Bizim.Media
