“Nürnberq” Mahir Emrelini saxlamaq istəyir

Almaniyanın “Nürnberq” klubunun Mahir Emreli ilə əməkdaşlığı artırmaq üçün danışıqlara başlamaq niyyəti ilə bağlı bəzi təfərrüatlar məlum olub.

Bizim.Media "Bild"ə istinadən xəbər verir ki, alman həmkarlarımız millimizin forvardının “Nürnberq”dəki durumundan yazıb:

"Cari mövsümün sonunda “Nürnberq” Bundesliqaya yüksəlsəydi, Azərbaycan millisinin hücumçusu ilə müqavilə avtomatik artırılacaqdı. Amma indi onların şansları azaldığından tərəflər yenidən danışıqlara getməli olacaqlar. Miroslav Klozenin komandası növbəti mövsüm Bundesliqaya düşməyə çalışmaq istəyir və Emreli müqaviləsi uzadılacağı təqdirdə əsas oyunçulardan birinə çevriləcək. Buna görə də klub rəhbərliyi onunla ən azı bir il daha yeni müqavilə imzalamaq üçün hər şeyi edəcək. Futbolçunun fikrinə gəlincə, o, qərarını yalnız mövsümün sonunda verəcək. Onu da əlavə edək ki, Emreli “Nürnberq”in ən çox maaş alan futbolçusudur".

Qeyd edək ki, Azərbaycan millisinin üzvü mövsümün əvvəlində "Nürnberq"la 1+1 illik müqavilə imzalamışdı.

Rəşad Rafiqoğlu, Bizim.Media