Xəbər verildiyi kimi ötən gün Şamaxı rayonunun Hacıqədirli kəndi ərazisində “Mercedes” markalı mikroavtobus idarəetmədən çıxaraq aşıb. Mikroavtobusdakı sərnişinlərdən 5-i oğlan , 2-si isə qız olmaqla 7 nəfər xəstəxanaya aparılıb.
Qeyd edək ki, xəsarət alan şəxslər Ağsu rayon Padarqışlaq kənd məktəbinin şagirdləri olub.
Şamaxıda baş verən qəza ilə bağlı Bizim.Media-nın sorğusuna cavab olaraq TƏBİB-dən bildirilib ki, 25.04.2025-ci il tarixində saat 23:00 radələrində 6 nəfər (1 qadın cinsli, 5 kişi cinsli) Ağsu Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
MÖVZU İLƏ BAĞLI:
Şamaxıda şagirdləri daşıyan mikroavtobus AŞDI- 7 məktəbli xəstəxanalıq oldu
Müxtəlif bədən xəsarətləri alan şəxslərin hər birinə zəruri tibbi xidmətlər göstərilib.
Vəziyyəti qənaətbəxş olan 4 nəfər ambulator müalicə üçün evə buraxılıb. Hazırda 2 nəfərin müalicəsi müvafiq şöbədə davam etdirilir, vəziyyətləri stabildir.
Bizim.Media, Aran bürosu
