31 yaşlı oğlan boğazı kəsilmiş vəziyyətdə tapıldı. Hadisə Mingəçevirdə baş verib.
Bizim.Media-nın yerli bürosunun verdiyi məlumata görə, 1994-cü il təvəllüdlü Sabir Gündüz oğlu Mirzəyev ağır yaralı halda tapılıb. Onun anası ilə mübahisədən sonra özünə xəsarət yetirdiyi deyilir.
Məsələ ilə bağlı Mingəçevir Rayon Xəstəxanası ilə əlaqə yaratdıq.
Xəstəxanadan saytımıza verilən məlumata görə, 18.04.2025-ci il tarixində saat 06:30 radələrində Mingəçevir Şəhər Mərkəzi Xəstəxanasının Təcili tibbi yardım şöbəsinə 1994-cü il təvəllüdlü şəxs (kişi cinsli) hospitalizasiya olunub.
Boyun nahiyəsinin və hər iki saidin kəsilmiş, çapılmış yaraları diaqnozu təyin edilən şəxsə zəruri tibbi yardımlar göstərilib. Cərrahiyyə şöbəsində müalicəsi davam etdirilən şəxsin vəziyyəti orta ağırdır.
Leyla Vəfadar, Bizim.Media, Mərkəzi Aran bürosu
