“Turan Tovuz”da CİDDİ İTKİLƏR

Turan Tovuz” müdafiə xəttində zədəlilərlə bağlı sözün əsl mənasında çətinlik yaşayır.

Bizim.Media xəbər verir ki, əməliyyat olunan Roderik Millerlə Denis Marandiçidən başqa Şəhriyar Əliyev və Eltun Turabov da kollektiv çalışmalardan uzaq düşüb.

“Qarabağ”la matçdan əvvəlki məşqlərin birində arxa əzələsindən zərbə alan Şəhriyar son iki qarşılaşmada iştirak edə bilməyib. MRT müayinəsindən keçən kapitanın zədəsinin ağır olduğu üzə çıxıb.

O, 4-6 həftə yaşıl meydanlardan uzaq düşəcək. Bu, o deməkdir ki, Əliyev qarşıdakı iki turda “Sabah” və “Araz-Naxçıvan”la prinsipial oyunlarda komandasına kömək edə bilməyəcək. Şəhriyar ən yaxşı halda “Şamaxı” ilə fevralın 23-də baş tutacaq oyuna hazır olacaq.

Rəşad Rafiqoğlu, Bizim.Media