Viktor Orban Pekinə yola düşüb?

Macarıstanın baş naziri Viktor Orbanın Çinə səfər edəcəyi və bazar ertəsi Pekinə gələcəyi gözlənilir.

Bizim.Media xəbər verir ki, bu iddialar Macarıstanın “444.hu” portalı tərəfindən dərc olunub.

Mənbə yazır ki, bundan əvvəl Orban Ukraynada, Rusiyada və iyulun 6-da Türk Dövlətləri Təşkilatının qeyri-rəsmi sammitinin keçirildiyi Azərbaycanda səfərdə olub. 

İndi isə o, Pekinə gedir və orada bazar ertəsi səhər tezdən olacaq.

Macarıstan hökuməti hələlik məlumatı təsdiqləməyib. 

Saytın yazdığına görə, Baş nazirin təyyarəsi “Dassault Falcon 7X” artıq Budapeşti tərk edib və Pekinə tərəf uçur. 

Orbanın da laynerdə olduğu ehtimal olunur.

Bizim.Media