Bu klub İngiltərə Premyer Liqasına qayıtdı

İngiltərənin səviyyəcə ikinci futbol liqası olan Çempionşipdə mübarizə aparan “Sauthempton” Premyer Liqaya qayıdıb.

Bizim.Media xəbər verir ki, “müqəddəslər” Londondakı “Uembli” stadionunda keçirilmiş pley-offun final matçında “Lids”dən üstün olub – 1:0.

Matçda yeganə qolun müəllifi 27 yaşlı hücumçu Adam Armstronq olub.

Bununla da “Sauthempton”un yüksək liqasız qalması cəmi bir il çəkib. Qeyd edək ki, bu, klubun tarixində ilk pley-off finalı olub. “Lids” isə Çempionşipdə azı daha bir mövsüm keçirməli olacaq.
Beləliklə, 2023/24 mövsümü üçün Premyer Liqanın iştirakçılarının siyahısı tam formalaşıb. “Sauthempton” daha əvvəl birbaşa yüksələn “Lester” və “İpsviç”ə qoşulub.

Xatırladaq ki, ötən mövsümün sonunda “Şeffild Yunayted”, “Börnli” və “Luton” elit divizionu tərk ediblər.

Bizim.Media