Fəzail Ağamalıdan Bakıətrafı qəsəbələrdəki kanalizasiya probleminə REAKSİYA 

“Ölkəmizdə su təsərrüfatının inkişafına, yol verilən yanlışlıqların aradan qaldırılmasına cənab Prezident tərəfindən xüsusi diqqət yetirilir”. 

Bizim.Media xəbər verir ki, bu fikirləri Milli Məclisin plenar iclasında çıxışı zamanı millət vəkili Fəzail Ağamlı səsləndirib. 

Deputat su təsərrüfatındakı problemlərdən də söz açıb: 

“Su israfçılığının aradan qaldırılması üçün hər bir vətəndaşın da məsuliyyəti yüksək olmalıdır. Çalışmalıyıq ki, vətəndaşlar və müvafiq qurumlar arasında qarşılıqlı şəkildə əməkdaşlığın qurulması sayəsində israfçılığa yol verilməsin. 

Nəzərə almaq lazımdır ki, Azərbaycanın su ehtiyatları məhduddur. Buna görə də su anbarlarının yaradılmasına ehtiyac var. 
İkincisi, Bakı ətrafında yeni salınan qəsəbələrdə kanalizasiya sistemi ilə bağlı problemlər var. Bu ciddi problemdir və aradan qaldırılması vacibdir”. 

Murad Əhmədov, Bizim.Media