Sabiq xarici işlər naziri Elmar Məmmədyarov səsvermədə iştirak edib.
Bizim.Media xəbər verir ki, E.Məmmədyarov 23 saylı Nəsimi-Səbail seçki dairəsinin 29 saylı məntəqəsində səsvermə hüququndan istifadə edib.
O, saytımıza açıqlamasında bu fikirləri səsləndirib:
"Torpaqlarımız azad olunandan sonra ilk dəfədir ki, fərqli seçki keçirilir. Cənab Prezidentin rəhbərliyi altında müzəffər Ordumuz torpaqlarımızı işğaldan azad etdi. Azad olunan torpaqlarımızın əzəli sakinləri orada səs verir. Bu, çox mötəbər hadisədir. Məndə nəticə ilə bağlı şübhə yoxdur.
Mən səsimi İlham Əliyevə verdim. Çünki o, Azərbaycan xalqına ümid bəxş etdi, 30 illik həsrətə son qoydu".
Məhərrəm Əliyev, Nicat Niftəliyev, Bizim Media
