Aparıcı Elgiz Əkbər Əməkdar artist Vasif Məhərrəmlinin hamıdan gizlətdiyi sirrinin üstünü efirdə açıb.
Bizim.Media xəbər verir ki, Elgiz bu haqda aparıcısı olduğu "Elgizlə izlə" ictimai-sosial verilişində danışıb.
Proqramda qonaq olan Vasifə Elgiz "Əynindəki jilet şalvar idi. İndi bu necə oldu? Nəsə anlaya bilmədim. Şalvarın elə xoşuma gəlmişdi ki... Bu indi necə oldu jiletə çevrildi. Sən mənim canım, kəsib şalvarı jilet eləmisən?" gülərək, fikirlərini dilə gətirib.
Məhərrəmli isə Əkbərin bu sözlərinə belə cavab verib:
"Bəli, mən şalvarı kəsib, ondan jilet tikdirmişəm (gülür). Bu əynimdəkini İtaliyadan almışdım. Hansı brendə məxsus olması ilə baxanda dərhal bilinir. Çox da xoşuma gəlirdi. Sən də Elgiz bunu əynimdə görmüşdün. Günlərin bir günü həmin şalvar partladı və cırıldı. Mənim də şalvarın parçasından çox xoşum gəldiyi üçün dərzi dostlarım sağolsunlar, ondan mənim üçün jilet tikdilər".
Rəşad Əliyev, Bizim.Media
