Seçkilərlə bağlı ödənişsiz efir vaxtının bölgüsü məqsədilə püşkatma komissiyası yaradılacaq

Hazırda oxunan: Seçkilərlə bağlı ödənişsiz efir vaxtının bölgüsü məqsədilə püşkatma komissiyası yaradılacaq

173248

“Növbədənkənar Azərbaycan Respublikası Prezidenti seçkiləri ilə bağlı ödənişsiz efir vaxtının bölgüsü məqsədilə püşkatma komissiyası yaradılacaq”.

Bizim.Media xəbər verir ki, bunu Mərkəzi Seçki Komissiyası sədrinin müavini Rövzət Qasımov deyib.

“MSK artıq seçki dairələrinin siyahısını dərc edib, açıq və qapalı seçki yerləri müəyyənləşdirilib. Həftədə 3 saat efir vaxtı vermək imkanı var. MSK vaxtın uzadılması ilə bağlı yerli televiziya kanalları ilə danışıqlar aparır.

Yerli media orqanlarından ödənişsiz təşviqat işlərində namizədlərə dəstək məqsədilə “Azərbaycan”, “Xalq” , “Bakinski raboçiy” qəzetlərinin sırasına artıq “Respublika” qəzeti də qoşulub”, - deyə R. Qasımov qeyd edib.
O bildirib ki, 8 dəqiqə 57 saniyə vaxt ayrılacaq və prezidentliyə namizədlər Azərbaycan ərazisində fəaliyyət göstərən telekanallar vasitəsilə öz platformalarını təqdim edəcəklər.

Bizim.Media