Goranboyda xəsarətlə nəticələnən yol-nəqliyyat hadisəsi qeydə alınıb.
Bizim.Media-nın yerli bürosunun məlunatına görə, hadisə rayonun Səfikürd kəndində baş verib.
Hərəkətdə olan biri "VAZ" markalı olmaqla iki avtomobilin toqquşması nəticəsində 1956-cı il təvəllüdlü Gülxar Aslanova və onun nəvəsi 2021-ci il təvəllüdlü Gülay Xəlilova xəsarət alaraq xəstəxanaya yerləşdiriliblər.
Onlara ilkin tibbi yardım göstərilib, vəziyyətlərinin orta ağır olduğu bildirilir.
Faktla bağlı araşdırma aparılır.
Məqsəd Rəhimov, Bizim.Media, Qərb Bürosu
