Sabirabadda qatarla traktor toqquşub, 35 yaşlı sürücü hadisə yerində keçinib.
Bizim.Media xəbər verir ki, nəqliyyat hadisəsi Sabirabad rayonunun Xəlfəli kəndində Şirvan-İmişli dəmir yolu xəttində qeydə alınıb.
Qorunmayan dəmiryolu xətti ilə kənd yolu kəsişməsini keçən ot presi daşıyan qoşqulu traktoru, yanacaq daşıyan qatar vurub. Nəticədə traktorun sürücüsü Xəlfəli kənd sakini, 35 yaşlı Bəhruz Hümbətov hadisə yerində ölüb.
Hadisə yerinə hüquq-mühafizə orqanları cəlb olunub.
Faktla bağlı İmişli xətt polisi tərəfindən araşdırma aparılır.
Bizim.Media
