Van Dammın gəlini Hollivud ulduzu ilə GÖRÜŞDÜ - FOTO 

Dünya şöhrətli Hollivud aktyoru Jan Klod Van Dammın gəlini, pianoçu Suada Hacızadə Hollivud ulduzu Sindi Kroufordla bir araya gəlib.  

Bizim.Media xəbər verir ki, 57 yaşlı amerikalı supermodel və aktrisa ilə musiqiçi 57 yaşlı Kristoferlə ABŞ-ın qərbində, Kaliforniya ştatının Los Anceles qraflığında yerləşən Kalabalas şəhərində olarkən görüşüb.  

Bu görüşü xatirəyə çevirmək üçün Suada Sindi ilə foto çəkdirib. Suada sözügedən şəkili özünün sosial şəbəkə hesabında izləyiciləri ilə bölüşüb.   
Dünya ulduzunun gəlini paylaşımına “Qızlarla Kalabasasda bir gün. Və ən şirin Sindi Kroufordla” sözlərini yazıb.  

Qeyd edək ki, Jan Klod Van Damm Azərbaycan Respublikası Xüsusi Dövlət Mühafizə Xidmətinin sabiq əməkdaşı, polkovnik Elxan Hacızadə ilə quda olub. Kristofer-Suada cütlüyü 2021-ci ilin iyununda Azərbaycanın İstanbuldakı Baş Konsulluğunda doğmalarının iştirakı ilə baş tutan nikah mərasimində ailə həyatı qurub.   


Rəşad Əliyev, Bizim.Media