Futbol üzrə Albaniya çempionatında 2-ci turun oyunları keçirilib.
Bizim.Media xəbər verir ki, azərbaycanlı futbolçu Vüsal İsgəndərlinin formasını geyindiyi "Eqnatia" səfərdə "Kukesi" ilə qarşılaşıb.
Matç qonaqların 4:0 hesablı qələbəsi ilə başa çatıb.
Vüsal İsgəndərli də bu görüşün iştirakçısı olub. Start heyətdə meydana çıxan 27 yaşlı yarımmüdafiəçi 90 dəqiqə oynayıb. O, 58-ci dəqiqədə komandasının sonuncu qolunu vurub. 2 turdan sonra aktivində 3 xal olan "Eqnatia" turnir cədvəlinin 4-cü pilləsində qərarlaşıb.
Rəşad Rafiqoğlu, Bizim.Media
