Sürücülərin NƏZƏRİNƏ: Bu küçədə hərəkət qismən MƏHDUDLAŞDIRILACAQ

Hazırda oxunan: Sürücülərin NƏZƏRİNƏ: Bu küçədə hərəkət qismən MƏHDUDLAŞDIRILACAQ

145621

Bu gün saat 23:00-dan sabah saat 05:00-a qədər Bakının Mikayıl Müşfiq küçəsində (Parlament prospektindən Badamdar şosesinə qədər olan hissədə) hər iki istiqamətdə üfüqi nişanlanma xətlərinin yenidən rənglənməsi işləri həyata keçiriləcək.

Bizim.Media xəbər verir ki, bu barədə Azərbaycan Avtomobil Yolları Dövlət Agentliyi məlumat yayıb.

Məlumata görə, sözügedən ərazilərdə işlərin aparıldığı zolaqlar üzrə hərəkət qismən məhdudlaşdırılaraq digər zolaqlara yönləndiriləcək.

Sürücülərdən aparılan işlərə anlayışla yanaşmaları, sözügedən hissədə hərəkətdə olarkən diqqətli olmaları, yol hərəkəti qaydalarına və iş aparılan ərazilərdə qoyulmuş müvəqqəti nişanların tələblərinə riayət etmələri xahiş olunub.
Xatırladaq ki, öncədən də verilmiş məlumata əsasən hazırda Bakı-Quba-Rusiya ilə dövlət sərhədi avtomobil yolunun 28-30.5-ci km-lik hissəsində də hər iki istiqamətdə üfüqi nişanlanma xətlərinin yenidən rənglənməsi işləri həyata keçirilir. Bu hissədə aparılan işlərin axşam saatlarınadək yekunlaşdırılması nəzərdə tutulur.

Bizim.Media