Bal arıları tərəfindən tozlanan çiçəklər digər həşərat tozlayıcılarının ziyarət etdiyi çiçəklərdən daha az toxum verir və keyfiyyəti aşağıdır.
Bizim.Media xəbər verir ki, bu barədə “Sciencenews” nəşri Kaliforniya alimlərinin yeni kəşfindən bəhs edərkən yazıb.
MÖVZU İLƏ BAĞLI:
Bal arıları niyə kütləvi qaydada məhv olur? – ARAŞDIRMA/FOTO
San Dieqo alimlərinin yeni araşdırması endemik həşəratların qorunmasının vacibliyini vurğulayır.
Qeyd olunur ki, bal arılarının digər tozlandırıcılara nisbətən eyni bitkinin çiçəklərinin yanında daha çox vaxt keçirir.
Nəticədə, öz poleninin daha çoxu bitkinin özünə yerləşdirilir, bundan da inbred toxumlar yaranır.
Tədqiqatın nəticələrində bitki populyasiyalarının qorunması səylərində vəhşi, endemik arılar, güvələr və kəpənəklər kimi tozlandırıcılara diqqət yetirməyin vacibliyi qeyd olunur.
Nəşr yazır ki, tədqiqatçıların fikrincə, Kaliforniyada 650-dən çox yerli arı növü olsa da, San Dieqo qraflığında ən çox gül ziyarətçisi endemik olmayan qərb bal arısıdır.
Tədqiqatçılar həmçinin bal arılarının digər tozlayıcılarla müqayisədə bir bitkiyə keçməzdən əvvəl təxminən iki dəfə çox çiçək ziyarət etdiyini aşkar ediblər. Bu onu göstərir ki, bal arıları eyni bitkinin çiçəkləri arasında daha çox tozcuq daşıyır və nəticədə daha çox inbred toxum olur. Digər tozlayıcılar müxtəlif bitkilər arasında daha tez-tez uçurdular, yəqin ki, daha müxtəlif polen daşıyırdılar.
Amerikalı alimlərin yeni kəşfi narahatlıq doğurur. Bal arılarının metodik tozlandırma vərdişinə görə, nəticələr yəqin ki, digər bitkilərə də aiddir.
Amma hadisələrin uzunmüddətli perspektivdə necə inkişaf edəcəyini proqnozlaşdırmaq çətindir. Mümkün təsirlərdən biri yerli bitki populyasiyalarının azalması ola bilər, çünki ardıcıl nəsillər daha çox doğmalaşır və biomüxtəlifliyi azaldır.
Surxay Atakişiyev, Bizim.Media
