"Putin zəng etsə cavab verərəm, ancaq...” - Makron 

“Rusiya Prezidenti Vladimir Putin zəng etsə cavab verərəm, ancaq özüm ona zəng etməyəcəyəm”. 

Bizim.Media xəbər verir ki, bunu Fransa Prezidenti Emmanuel Makron “Franceinfo” telekanalına müsahibəsində bildirib. 

O, aparıcının V.Putinə zəng edib-etməyəcəyi ilə bağlı sualına belə cavab verib: “Əlbəttə, telefonun dəstəyinin qaldıracağam”. 

Fransa tərəfdən belə bir təşəbbüsün göstərilib-göstərilməyəcəyi ilə bağlı suala cavab olaraq E.Makron deyib ki, rusiyalı həmkarına zəng etməyə səbəb yoxdur. 
Fransa Prezidenti əlavə edib ki, Rusiya ilə danışıqların bərpası Ukraynada müharibə başa çatandan sonra mümkün olacaq.

Bununla belə o, vurğulayıb ki, rəsmi Kiyevin şərtləri daxilində danışıqların zamanı gələcək. 

E.Makron onu da bildirib ki, Fransa Rusiya və Ukrayna arasında vasitəçilik etməyə də hazırdır:

“O, (Vladimir Putini nəzərdə tutur-red.) zəng edib, mənə təklif etsə, onda cavab verəcəyəm ki, Fransa həmişə vasitəçi dövlət olub”.

Bizim.Media