Bakıda avtomobil parklarının birində güclü yanğın baş verib.
Bizim.Media xəbər verir ki, Xocasən qəsəbəsindəki avtomobil parkında iki yük maşını naməlum səbəbdən alışaraq yanmağa başlayıb.
Hadisə yerinə FHN-in yanğınsöndürənləri cəlb olunub. Şahidlərin dediyinə görə, bir TIR maşını və "İsuzu" markalı yük maşını yanıb.
Fövqəladə Hallar Nazirliyi hadisə ilə bağlı açıqlayıb ki, FHN-nin "112" qaynar telefon xəttinə Bakı şəhəri, Binəqədi rayonu, Xocəsən qəsəbəsində açıq ərazidə təkər tullantılarının yanması barədə ilkin məlumat daxil olub.
Məlumatla əlaqədar FHN-nin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub. Hazırda yanğınsöndürmə işləri həyata keçirilir.
Bizim.Media
