Ermənistanda sabiq nazir HƏBS EDİLDİ

Ermənistanın hüquq-mühafizə orqanları cümə axşamı Respublika Partiyasının sədr müavini, keçmiş təhsil və elm naziri Armen Aşotyanı saxlayıb. 

Bizim.Media xəbər verir ki, məlumatı “Sputnik Ermənistan”a onun partiya həmkarı, keçmiş vitse-spiker Eduard Şarmazanov təsdiqləyib.

Onun sözlərinə görə, Aşotyan İstintaq Komitəsinə gətirilib.

Saxlanmanın səbəbləri barədə məlumat verilmir. Polis hələlik vəziyyəti şərh etməyib. Ehtimal ki, söhbət ötən ilin sonunda başlanmış cinayət işindən gedir.

Armen Aşotyan və İrəvan Tibb Universitetinin keçmiş rektoru Mikael Narimanyan universitetə ​​məxsus təxminən 100 000 ABŞ dolları məbləğində əmlakı mənimsəyib. Onlar Tsovasar mehmanxana kompleksinin kotteclərini şişirdilmiş qiymətlərlə almaqda ittiham olunurlar. 

Bizim.Media