“Süni mayalanma ilə uşaq dünyaya gətirmək olmaz” – Siyavuş Novruzov 

“Reproduktiv sağlamlıq” haqqında qanun layihəsinin qəbulu mənasızdır. Bu, bizim milli mentalitetimizə uyğun deyil”.
 
Bizim.Media xəbər verir ki, bu fikirləri Milli Məclisin növbədənkənar sessiyasının bu gün keçirilən iclasında deputat Siyavuş Novruzov səsləndirib.
 
“Mən beş il ərzində Milli Məclisdə Dini komitənin sədri olduğum zaman imkan vermədim ki, o qanun layihəsi plenar iclasa tövsiyyə olunsun. Mən məsələyə başqa mövqedən baxıram. Süni mayalanma ilə uşaq dünyaya gətirmək olmaz. Əgər Allah uşaq qismət etməyibsə, onun əleyhinə getmək olmaz. Ona görə də bu qanunu qəbul etməyin mənası yoxdur”, - deyə deputat əlavə edib.

Bizim.Media